जळगाव जिल्ह्यातील केळी बेल्ट मानले जाणारे गावे चिनावल व कुंभारखेडा या गावी युवा नेतृत्व धनंजय चौधरी यांचा कृतज्ञता दौरा पार पडला
दक्ष जळगाव प्रतिनिधी जुम्मा तडवी रावेर आज कृतज्ञते दौरा यात्रेनिमित्त सकाळी धनंजय चौधरी यांनी चिनावल या गावी प्रथम राम मंदिर व जागृत हनुमान मंदिर येथे दर्शन घेऊन यात्रेस प्रारंभ केला तदनंतर चिनावल ग्रामस्थांच्या हस्ते ग्रामपंचायतीच्या जुन्या विहिरीवरती जल पूजन तसेच`एक व्यक्ती एक वृक्ष ‘या उक्तीप्रमाणे गावातील वेगवेगळी पदे भूषवून मयत झालेल्या व्यक्तींच्या नावे वृक्षारोपण करण्यात आले त्यानंतर चिनावल गावातील ग्रामस्थांच्या अडीअडचणीच्या वेळी कामा येणारे रावेर यावल तालुक्याचे लाडके आमदार शिरीष चौधरी यांच्या विषयी कृतज्ञता गौरव उद्गार चिनावल गावातील जिल्हा परिषद कन्या शाळा येथे घेण्यात आलेल्या मीटिंगमध्ये काढण्यात आले. सदर मीटिंग दरम्यान प्रास्ताविक , संजय भालेराव सर यांनी केले तसेच चंद्रकांत भंगाळे यांनी आपले मत प्रकट केले.
त्याच्या नंतर धनंजय चौधरी यांनी गावकऱ्यांची संवाद साधला व वेगवेगळे समस्यांविषयी गावकऱ्यांकडून माहिती घेण्यात आली. त्यानंतर दुपारी एक वाजता कुंभारखेडा या गावी ओंकारेश्वर महादेव मंदिर आणि राम मंदिर येथे दर्शन घेऊन कुंभारखेडा या गावी कृतज्ञता यात्रेस सुरुवात झाली यात्रेदरम्यान गावात फेरी घेऊन गावात असणाऱ्या समस्यांविषयी धनंजय चौधरी यांनी माहिती घेतली त्यानंतर ग्रामस्थांच्या हस्ते कुंभारखेडा येथे जलपूजन तसेच माध्यमिक विद्यालय कुंभारखेडा येथे वृक्षारोपण करण्यात आले याप्रसंगी कुंभारखेडा ग्रामस्थांच्या वतीने धनंजय चौधरी यांचा स्वागत सत्कार ओंकारेश्वर महादेव मंदिर येथे करण्यात आला याप्रसंगी गावातील असंख्य तरुणांची उपस्थिती होती.
