तीसपेक्षा अधिक पेटंट आहेत; तर काही कॉपीराइटही आहेत. काही प्राध्यापकांनी दोन किंवा त्यापेक्षा अधिक संशोधनात पेटंट मिळवित संशोधनात आपल्यासह विद्यापीठाचे नाव केले. तर पर्यावरण, गणित, सांख्यिकीसारख्या विषयांमधील संशोधनाने राज्य, राष्ट्रीय पातळीवर आपला दबदबा कायम ठेवला आहे. काही प्राध्यापकांना दोन किंवा त्यापेक्षा अधिक संशोधनात पेटंट मिळविले आहे. यात केंद्र सरकारसह ऑस्ट्रेलियन, दक्षिण अफ्रिका देशातील पेटंट आहेत. डॉ. बाबासाहेब आंबेडकर मराठवाडा विद्यापीठ उच्च शिक्षणासह संशोधनावरही भर देत आहे. कृषी, वैद्यकीय जैवविविधता, अन्नतंत्रज्ञान ते माहिती तंत्रज्ञान, कृत्रिम बुद्धिमत्ता अशा विषयात विद्यापीठातील अनेक प्राध्यापक संशोधनात मौलिक भर घालत आहेत. पाच वर्षात तीसपेक्षा अधिक संशोधनासाठी पेटंट, कॉपीराइट विद्यापीठाकडे आहेत त्यात आनखी नवनवीन संशोधनाची भर पडते आहे. त्यामुळे विद्यापीठाचा नावलौकीक वाढण्यास मदत झाली आहे.
