भारत-मॉरिशस मैत्रिपर्व! PM मोदींच्या दौऱ्यात ८ नवीन करार, कोणत्या मुद्द्यांवर चर्चा झाली.

 पंतप्रधान नरेंद्र मोदी दोन दिवसांच्या मॉरिशस दौऱ्यावर होते. या दौऱ्यात दुसऱ्या दिवशी मोदी पोर्ट लुइस येथे मॉरिशसच्या राष्ट्रीय दिनाच्या समारंभात प्रमुख अतिथी होते.भारत आणि मॉरिशसने द्विपक्षीय संबंध वृद्धिंगत करून धोरणात्मक भागीदारीसाठी पावले उचलली असून, सागरी सुरक्षेसह विविध क्षेत्रांतील आठ करारही दोन्ही देशांत बुधवारी करण्यात आले.जगातील दक्षिणेकडील देशांच्या विकासासाठी पंतप्रधान नरेंद्र मोदी यांच्या दृष्टिकोनानुसार भारताने मॉरिशसोबत विविध करार केले. यामध्ये राष्ट्रीय चलनांच्या सीमेपलीकडील व्यवहारांना चालने देणे, सागरी डेटाचे आदानप्रदान, आर्थिक गैरव्यवहारांविरोधात एकत्रितपणे लढा, तसेच सूक्ष्म, लघु आणि मध्यम उद्योग क्षेत्रातील सहकार्यवाढ यांसाठी हे करार करण्यात आले.पंतप्रधान नरेंद्र मोदी दोन दिवसांच्या मॉरिशस दौऱ्यावर होते. या दौऱ्यात दुसऱ्या दिवशी मोदी पोर्ट लुइस येथे मॉरिशसच्या राष्ट्रीय दिनाच्या समारंभात प्रमुख अतिथी होते.

भारतीय सैन्यदलांची तुकडीदेखील या कार्यक्रमात सहभागी झाली होती. याशिवाय भारतीय नौदलाची युद्धनौका आणि हवाई दलाचे ‘आकाशगंगा’ स्कायडायव्हिंग पथकाचाही यात सहभाग होता. यापूर्वी २०१५मध्येही मोदी मॉरिशसच्या राष्ट्रीय दिनाचे प्रमुख अतिथी होते. त्यांना पुन्हा एकदा हा सन्मान दिल्याने भारत-मॉरिशसचे विशेष संबंध अधोरेखित झाले आहेत.मोदी यांनी मॉरिशसचे पंतप्रधान नवीनचंद्र रामगुलाम यांच्याशी चर्चा केली. त्यानंतर मोदी यांनी ‘ग्लोबल साउथ’बाबत भारताचा नवा दृष्टिकोन मांडला. ‘म्युच्युअल अँड हॉलिस्टिक ॲडव्हान्समेंट फॉर सिक्युरिटी अँड ग्रोथ ॲक्रॉस रिजन’ (महासागर) असे नाव त्याला देण्यात आले आहे.

हिंद महासागरात चीन प्रभाव वाढवण्याचा प्रयत्न करीत असल्याच्या पार्श्वभूमीवर भारताने हा दृष्टिकोन सादर केला आहे.मोदी यांनी यापूर्वी २०१५मध्ये मॉरिशसला भेट दिली होती. त्या वेळी त्यांनी ‘सिक्युरिटी अँड ग्रोथ फॉर ऑल इन द रिजन’ (सागर) हे धोरण जाहीर केले होते. यातून हिंद महासागरक्षेत्रात भारताने संबंध वाढवले होते. त्यानंतर दहा वर्षांनी मोदी यांनी नवे धोरण जाहीर केले आहे. ‘मॉरिशसच्या विशेष आर्थिक झोनच्या सुरक्षेसाठी संपूर्ण सहकार्य करण्यास आम्ही कटिबद्ध आहोत,’ असे मोदी यांनी म्हटले आहे. मॉरिशसच्या तटरक्षक दलाला भारत मदत करणार आहे. पोलिस अकादमीची स्थापना आणि सागरी माहिती केंद्राच्या उभारणीतही मदत केली जाणार आहे.अमेरिकेचे उपाध्यक्ष जे. डी. व्हान्स पुढील महिन्यात भारत दौऱ्यावर येण्याची शक्यता आहे. अमेरिकी माध्यमांनी याबाबतचे वृत्त दिले आहे. उपाध्यक्ष व्हान्स आणि त्यांच्या पत्नी उषा व्हान्स हे दोघे भारत दौऱ्यावर येणार असल्याचे यात म्हटले आहे. उपाध्यक्ष व्हान्स यांचा हा दुसरा परदेश दौरा असेल. गेल्या महिन्यात त्यांनी फ्रान्स आणि जर्मनीचा दौरा केला होता