धामोडी येथील रिक्षाचालक सुभाष प्रल्हाद पाटील यांचा रिक्षा पलटी झाल्याने जागीच मृत्यू…..

धामोडी येथील रिक्षाचालक सुभाष प्रल्हाद पाटील यांचा रिक्षा पलटी झाल्याने जागीच मृत्यू…..

रावेर ता. प्रतिनिधी :-प्रदीप महाराज

रिक्षा पलटी झाल्याने डोक्याला मार लागून एकाचा मृत्यू झाल्याची घटना आज दि ३ रोजी तालुक्यातील धामोडी फाट्याजवळ घडली. या घटनेत रिक्षाचालक सुभाष प्रल्हाद पाटील वय ४३ याचा जागीच मृत्यू झाला आहे.

धामोडी येथील रहिवासी रिक्षाचालक सुभाष प्रल्हाद पाटील हे खिर्डीकडून धामोडीकडे येत असताना धामोडी फाट्याच्या पुढे धामोडी गावाकडे रिक्षा अचानक पलटी झाल्याने रिक्षाचालक हे बाहेर रस्त्यावर फेकले जाऊन त्यांच्या डोक्याला गंभीर मार लागला. त्यांना तातडीने रावेर येथील ग्रामीण रुग्णालयात दाखल करण्यात आले. तपासणीनंतर वैद्यकीय अधिकाऱ्यांनी त्यांना मृत घोषित केले. शवविच्छेदन येथील ग्रामीण रुग्णालयात करण्यात आले असून त्यांच्यवर शोकाकुल वातावरणात धामोडी येथे अंत्यसंस्कार करण्यात आले आहेत. अकस्मात मृत्यूची नोंद निंभोरा पोलिसात करण्यात आली आहे. मयात सुभाष पाटील यांच्या पश्चात पत्नी व एक मुलगा आहे. कांतीलाल प्रल्हाद पाटील यांचे ते लहान बंधू होते.