बुमराहने पहिल्या सामन्यापासूनच खळबळ उडवून दिली असून ऑस्ट्रेलियाच्या फलंदाजांमध्ये भीतीचे वातावरण निर्माण केले आहे. गाबा येथे सुरू असलेल्या तिसऱ्या कसोटीतही त्याची घातक गोलंदाजी सुरूच होती. यासह त्याने ऑस्ट्रेलियात विकेट्सचे झंझावाती ‘अर्धशतक’ पूर्ण केले. जसप्रीत बुमराह ऑस्ट्रेलियात आपल्या गोलंदाजीने पेटला आहे. बुमराहने पहिल्या सामन्यापासूनच खळबळ उडवून दिली असून ऑस्ट्रेलियाच्या फलंदाजांमध्ये भीतीचे वातावरण निर्माण केले आहे. गाबा येथे सुरू असलेल्या तिसऱ्या कसोटीतही त्याची घातक गोलंदाजी सुरूच होती. त्याने पहिल्या डावात ऑस्ट्रेलियाच्या ६ फलंदाजांना आपले बळी बनवले. यासह त्याने ऑस्ट्रेलियात विकेट्सचे झंझावाती ‘अर्धशतक’ पूर्ण केले. आता त्याच्या नावावर कांगारू संघाच्या भूमीवर केवळ १० कसोटी सामन्यांमध्ये ५० बळी आहेत. अशी कामगिरी करणारा तो कपिल देवनंतरचा दुसरा भारतीय गोलंदाज ठरला आहे.
