महायुती सरकार आल्यानंतर चंद्रकांत पाटील पुण्याचे पालकमंत्री झाले. अजित पवार महायुतीचा भाग झाल्यानंतर पुण्याचे पालकमंत्रिपद हा कळीचा मुद्दा बनला. महाविकास आघाडी सत्तेवर असताना अजित पवार पुण्याचे पालकमंत्री होते. महायुती सरकार आल्यानंतर चंद्रकांत पाटील पुण्याचे पालकमंत्री झाले. अजित पवार महायुतीचा भाग झाल्यानंतर पुण्याचे पालकमंत्रिपद हा कळीचा मुद्दा बनला. शेवटी अजित पवारच पुण्याचे पालकमंत्री झाले आणि चंद्रकांत पाटील यांच्याकडे सोलापूर व अमरावतीचे पालकत्व देण्यात आले. आता मंत्रिमंडळाचे खातेवाटप जाहीर झाले आहे. मात्र, पालकमंत्र्यांची यादी अद्याप जाहीर व्हायची आहे. त्यामुळे यंदा नेमके कोणते ‘दादा’ पुण्याचे पालक होणार याची चर्चा रंगू लागली आहे. खातेवाटपानुसार उपमुख्यमंत्री अजित पवार यांच्याकडे अर्थ मंत्रालयासोबत राज्य उत्पादन शुल्क विभागही आला आहे. त्यामुळे पुण्याच्या विविध प्रलंबित समस्या, योजना आणि विकासकामांसाठी पवार यांच्या माध्यमातून भरघोस निधी उपलब्ध होऊन पुण्याचा सुपरफास्ट विकास होणार का आणि चंद्रकांत पाटील यांच्या माध्यमातून उच्च व तंत्रशिक्षणात पुणे नवी आघाडी घेणार का, याकडे पुणेकरांसह राज्याचे लक्ष लागले आहे. पुण्याच्या वाट्याला चांगले विभाग आल्याने मंत्रिमंडळात पुणेकरांचा दबदबा राहणार असल्याचे स्पष्ट होत आहे.
