महाराष्ट्र मंत्रिमंडळाचा खातेवाटप अखेर जाहीर झाला आहे. विरोधकांच्या आक्षेपांनंतरही मुंडे यांना महत्त्वाचे खाते मिळाले आहे. छगन भुजबळ यांच्या जागी माणिकराव कोकाटे यांना मंत्रिमंडळात स्थान मिळाले असून त्यांच्याकडे कृषी खात्याची जबाबदारी देण्यात आली आहे. गेल्या काही दिवसांपासून रखडलेला मंत्रिमंडळ खातेवाटपाचा विस्तार अखेर झाला आहे. महायुती सरकारने मंत्र्यांचा शपथविधी झाल्यावर खातेवाटप होत नसल्याने विरोधी पक्षातील नेते महायुती सरकारवर निशाणा साधत होते. या खातेवाटपाआधी मंत्रिमंडळात स्थान देण्यात आलेल्या धनंजय मुंडे यांना मंत्रिपद देऊ नये अशी मागणी अधिवेशनावेळी विरोधी नेत्यांनी केली होती. संतोष देशमुख हत्या प्रकरणामध्ये मास्टरमाईंड म्हणून वाल्मिक कराडवर उघडपणे आरोप केला जात आहे. कराड हा धनंजय मुंडे यांचा निकटवर्तीय असल्याने त्यांना मंत्रिमंडळामध्ये स्थान देऊ नये अशी मागणी होत होती.
