उद्या, सोमवारपासून मुंबई सेंट्रलमध्ये काँक्रीटीकरणाचे काम सुरू करण्यात येणार आहे. दोन महिने सुरू राहणाऱ्या कामामुळे सुमारे ८० टक्के अर्थात १५५ फेऱ्यांची वाहतूक परळ, दादर आणि कुर्ला नेहरूनगर येथे वळवण्यात येणार आहेत. नव्या वर्षात मुंबई सेंट्रलवरून राज्य परिवहन (एसटी) बसने प्रवास सुरू करणाऱ्या प्रवाशांना आता परळ आणि कुर्ला नेहरूनगरच्या एसटी स्थानकात वाट वळवावी लागणार आहे. उद्या, सोमवारपासून मुंबई सेंट्रलमध्ये काँक्रीटीकरणाचे काम सुरू करण्यात येणार आहे. दोन महिने सुरू राहणाऱ्या कामामुळे सुमारे ८० टक्के अर्थात १५५ फेऱ्यांची वाहतूक परळ, दादर आणि कुर्ला नेहरूनगर येथे वळवण्यात येणार आहेत. महाराष्ट्र औद्योगिक विकास महामंडळाच्या (एमआयडीसी) निधीतून एसटीच्या राज्यभरातील १८३ बसस्थानक परिसराचे काँक्रीटीकरण करण्याचे काम करण्यात येणार आहे. त्यासाठी ६०० कोटी रुपये एमआयडीसीमार्फत खर्च करण्यात येणार आहेत. सद्यस्थितीत राज्यातील अनेक स्थानकांचे काम सुरू झाले असून आता महाराष्ट्र वाहतूक भवन असलेल्या मुंबई सेंट्रल बस स्थानकांचे क्राँक्रीटीकरण करण्यात येत आहे. सुमारे १९०० चौरस मीटर परिसरासाठी १ कोटी ६४ लाख रुपये खर्च अपेक्षित आहे.
