अद्याप काही विषयांचे निकाल अद्याप जाहीर नाहीत. अनेक अभ्यासक्रमांच्या विषयांच्या उत्तरपत्रिका तपासणीची प्रक्रिया लांबली. विविध सात पॅटर्नमध्ये १७९ अभ्यासक्रमांच्या परीक्षा विद्यापीठ घेते. त्यापैकी १५२ परीक्षांचे निकाल जाहीर झाले. यात नवीन शैक्षणिक धोरणानुसार १८ अभ्यासक्रमाच्या परीक्षा यंदा प्रथमच घेण्यात आल्या. दिवाळीपूर्वी सुरू झालेल्या परीक्षेचे सत्र अद्याप सुरुच आहे. परीक्षा, निकालाची प्रक्रिया फेब्रुवारी संपत आली तरी संपलेला नाहीडॉ. बाबासाहेब आंबेडकर मराठवाडा विद्यापीठातर्फे पदवी, पदव्युत्तर पदवी अभ्यासक्रमांच्या सत्र परीक्षेतील अनेक विषयांचे निकाल जाहीर झालेले नाहीत. १७९ पैकी १५२ अभ्यासक्रमांचे निकाल जाहीर झाले. उर्वरित निकालाची प्रक्रिया अंतिम टप्प्यात असल्याचे सांगण्यात येते. पाच महिन्यांपूर्वी ८ ऑक्टोबरपासून सत्र परीक्षेचा पहिला टप्पा सुरु झाला. फेब्रुवारीसंपत आला तरीपण सत्र परीक्षेतील संपूर्ण विषयांच्या निकालाची प्रक्रिया पूर्ण झालेली नाही.विद्यापीठातर्फे सत्र परीक्षा ८ ऑक्टोबर २०२४ पासून सुरु झाल्या आहेत. ८ ऑक्टोबर ते २४ ऑक्टोबर दरम्यान फेरपरीक्षार्थीची परीक्षा झाली. २०१३ पॅटर्न, २०२५ पॅटर्नमधील विद्याथ्यांची ही परीक्षा होती. आठ हजार पेक्षा अधिक विद्यार्थ्यांनी होम सेंटरवरुन ही परीक्षा दिली होती.
यानंतर २६ नोव्हेंबर, १७ व २१ डिसेंबरपासून पदवी व पदव्यूत्तर अभ्यासक्रमांच्या परीक्षांना सुरुवात झाली होती. १५ जानेवारीपर्यंत परीक्षा सुरू होती. परीक्षेसह निकालाची प्रक्रिया लांबली. परीक्षेनंतर उत्तरपत्रिका तपासणीची प्रक्रिया सुरू झाली.परंतु, अद्याप काही विषयांचे निकाल अद्याप जाहीर नाहीत. अनेक अभ्यासक्रमांच्या विषयांच्या उत्तरपत्रिका तपासणीची प्रक्रिया लांबली. विविध सात पॅटर्नमध्ये १७९ अभ्यासक्रमांच्या परीक्षा विद्यापीठ घेते. त्यापैकी १५२ परीक्षांचे निकाल जाहीर झाले. यात नवीन शैक्षणिक धोरणानुसार १८ अभ्यासक्रमाच्या परीक्षा यंदा प्रथमच घेण्यात आल्या. दिवाळीपूर्वी सुरू झालेल्या परीक्षेचे सत्र अद्याप सुरुच आहे. परीक्षा, निकालाची प्रक्रिया फेब्रुवारी संपत आली तरी संपलेला नाही. परीक्षांचे निकाल वेळेत लावण्यासाठी मुल्याकंन केंद्राची संख्या वाढविण्यात आली, परंतु, यानंतरही सर्व परीक्षांचे निकाल जाहीर झालेले नसल्याचे सूत्रांनी सांगितले.विद्यापीठ निकाल प्रक्रियेत होम सेंटरवरही परीक्षा घेण्यात आली. त्यासाठी वेळापत्रक निश्चित करण्यात आले. महाविद्यालयांसाठी नियमावली जाहीर करण्यात आली, परंतु त्याकडे दुर्लक्ष झाले. शैक्षणिक साहित्यही अनेक महाविद्यालयांकडून वेळेत विद्यापीठाकडे आले नाहीत. आता या प्रकरणाची कुलगुरू डॉ. विजय फुलारी यांच्या अध्यक्षतेखाली चौकशी सुरू असल्याचे सूत्रांनी सांगितले.
बहुतांशी अभ्यासक्रमांचे निकाल परीक्षेनंतर निश्चित वेळेपूर्वी जाहीर केले. दीडशेपेक्षा अधिक अभ्यासक्रमांचे निकाल जाहीर झाले असून उर्वरितही लवकरच जाहीर होतील.
-डॉ. भारती गवळी (संचालक, परीक्षा व मूल्यमापन मंडळ, डॉ. बाबासाहेब आंबेडकर मराठवाडा विद्यापीठ)
