जळगावातून तीन मंत्र्यांना पुन्हा मंत्रिमंडळात स्थान, गिरीश महाजनांसह सेना-राष्ट्रवादीच्या नेत्यांना फोन

येणाऱ्या पाच वर्षांमध्ये या तिन मंत्र्यांनी जळगाव जिल्ह्याचा विकास करावा बेरोजगार तरुण-तरुणंना रोजगाराची संधी उपलब्ध करून द्यावी एमआयडीसीमध्ये मोठमोठे उद्योग आणून जिल्ह्याच्या विकासात भर घालावी हीच जळगाव जिल्हा वासियांची अपेक्षा आहे. अन्यथा या पाच वर्षात देखील जळगाव जिल्हाचा विकास न झाल्यास जिल्हा हा पुन्हा मागे टाकला जाईल हे मात्र निश्चित. जळगाव जिल्ह्यात कुणाला मंत्रीपद मिळणार आणि कुणाला दक्ष मिळणार याची अनेक दिवसांपासून चर्चा होती यात गिरीश महाजन यांना पक्षाची जबाबदारी दिली जाणार अशी देखील चर्चा होती. मात्र, या सर्व चर्चांना पूर्णविराम देत भाजपाचे गिरीश महाजन शिवसेनेचे गुलाबराव पाटील आणि राष्ट्रवादीचे अनिल पाटील या तिघांना जिल्ह्यातून पुन्हा एकदा राज्याच्या मंत्रिमंडळात स्थान मिळाले आहे.

उत्तर महाराष्ट्राचा विचार केला असता जळगाव जिल्ह्यात अकरावी विधानसभा या निवडणुकीच्या आखाड्यात होत्या यात ११ च्या ११ जागांवरती महायुतीने आपला झेंडा गाळात मोठ्या मताधिक्यांनी जागा निवडून आल्या. यात प्रामुख्याने मंत्री गिरीश महाजन यांच्या मतदारसंघात सर्वात जास्त लढत ही राष्ट्रवादी दिलीप कोळपे यांनी दिली होती. अवघ्या २३ ते २४ हजारांच्या मतांनी गिरीश महाजन यांचा विजय संपादन झाला. जळगाव जिल्ह्यातील तिघे मंत्र्यांची निवडणूकमध्ये प्रतिष्ठा पणाला लागली होती. यात जामनेरमधून गिरीश महाजन यांच्या विरोधात दिलीप कोळपे जळगाव ग्रामीण मधून गुलाबराव पाटील यांच्या विरोधात गुलाबराव देवकर तर अनिल पाटील यांच्या विरोधात अपक्ष शरद चौधरी यांनी तिघमंत्र्यांना तगडे आव्हान दिले होते. त्यामुळे या चुरशीच्या निवडणुकीमध्ये कोण बाजी मारणार याकडे सर्वांचे लक्ष लागून होते. मात्र, मुख्यमंत्री लाडक्या बहीण योजनेचा फायदा महायुतीच्या या उमेदवारांना झाल्यामुळे मोठ्या मताधिक्यांनी तिघही मंत्री दणदणीत विजय खेचत आपले वर्चस्व निर्माण केले.

महायुती सरकारने मुख्यमंत्री देवेंद्र फडणवीस उपमुख्यमंत्री एकनाथ शिंदे आणि उपमुख्यमंत्री अजित पवार यांनी शपथ घेऊन दहा ते बारा दिवस उलटून गेले होते. विस्तार होत नसल्याने अनेक तर्क वितर्क घडवले जात होते. यामध्ये विद्यमान जेष्ठ मंत्र्यांना डच्चू दिला जाणार असल्याची अनेक दिवसांपासून चर्चा होती. मंत्री गिरीश महाजन यांना मंत्रिमंडळात स्थान न देता त्यांना पक्षाची विशिष्ट जबाबदारी देण्यात येईल अशी देखील चर्चा सुरू होती. तर, मंत्री गुलाबराव पाटील यांना देखील पक्षाचे ध्येय धोरण राज्यात पोहोचण्यासाठीची मोठी जबाबदारी दिली जाणार ही देखील एक चर्चा होती. तर अजित पवार राष्ट्रवादी गटाकडून जिल्ह्यात एकमेव आमदार निवडून आल्याने त्यांचं पाड जड मानलं जात होते. मंत्री अनिल पाटील हे २०१९ च्या निवडणुकीमध्ये प्रथम अमळनेर विधानसभा मतदारसंघातून भाजपच्या उमेदवाराचा पराभव करून निवडून आले होते. देवेंद्र फडणवीस आणि अजित पवार यांनी सकाळच्या वेळी शपथ घेतली. त्यावेळी शेवटपर्यंत अनिल पाटील हे अजित पवार यांच्यासोबत ठाम होते. याचेच फळ त्यांना अजित पवारांनी सलग दुसऱ्यांदा मंत्रिपदाची वळणी लावली असल्याने हे निष्ठेचे फळ अनिल पाटील यांना मिळाले असल्याची देखील चर्चा आहे. उत्तर महाराष्ट्रात जळगाव जिल्हा हा सर्वात मोठा जिल्हा मानला जातो या जिल्ह्यामध्ये अकरावी विधानसभा येते. मात्र, आपल्या जळगाव जिल्ह्याचा हवा तसा विकास या जिल्ह्याचा रखडला गेलेला आहे. राजकारण्यांच्या हेवादाव्यामुळे हा जिल्हा मागे टाकला गेला. या जिल्ह्यामध्ये अनेक बेरोजगार तरुण-तरुणी हे पुणे मुंबई नाशिक या ठिकाणी जात असतात. मात्र एमआयडीसी अथवा मोठी कंपनी या जिल्ह्यामध्ये अद्यापपर्यंत एकाही मंत्र्यांनी आणली नाही. ही जळगाव जिल्ह्यासाठी एक नामुष्कीची बाब म्हणावी लागेल.