सत्ता येताच डोक्यात गेली हवा; डोनाल्ड ट्रम्प म्हणतात, भारताने अमेरिकेचा खूप गैरफायदा घेतला.

अमेरिकेच्या तत्कालीन बायडेन प्रशासनाने भारताला निवडणुकीत मदतीसाठी १.८ कोटी अमेरिकी डॉलरचे अर्थसाह्य दिले. या निधीची भारताला गरज नव्हती,’ असे विद्यमान अध्यक्ष डोनाल्ड ट्रम्प यांनी शनिवारी नमूद केले. याचवेळी भारताने अमेरिकेचा फायदा घेतला, असा आरोपही ट्रम्प यांनी केला.‘अमेरिकेच्या तत्कालीन बायडेन प्रशासनाने भारताला निवडणुकीत मदतीसाठी १.८ कोटी अमेरिकी डॉलरचे अर्थसाह्य दिले. या निधीची भारताला गरज नव्हती,’ असे विद्यमान अध्यक्ष डोनाल्ड ट्रम्प यांनी शनिवारी नमूद केले. याचवेळी भारताने अमेरिकेचा फायदा घेतला, असा आरोपही ट्रम्प यांनी केला.‘कन्झर्वेटिव्ह पॉलिटिकल अॅक्शन कॉन्फरन्स’मध्ये (सीपीएसी) शनिवारी ट्रम्प यांनी आपल्या भाषणादरम्यान ही टिप्पणी केली.

‘निवडणुकांमध्ये मतदारांचा सहभाग वाढवण्यासाठी भारताला २.१ कोटी अमेरिकी डॉलरचे अर्थसाह्य देण्यात आले,’ असा दावा या आधी ट्रम्प यांनी अनेकदा केला आहे. यासाठी त्यांनी अमेरिकेच्या आंतरष्ट्रीय विकास एजन्सीला (यूएसएड) लक्ष्य केले. ट्रम्प यांच्या या दाव्यानंतर भारतात वाद निर्माण झाला.‘भारताला त्यांच्या निवडणुकांमध्ये मदतीसाठी १.८ कोटी डॉलर देण्यात आले. हे का?, आपण भारताच्या निवडणुकांसाठी पैसे देत आहोत. त्यांना पैशांची गरज नाही,’ असेही ट्रम्प म्हणाले. ‘त्यांनी आपला खूप फायदा घेतला. जगभरात ते सर्वाधिक कर लावणाऱ्या देशांपैकी एक आहेत. ते २०० टक्के कर लावतात आणि मग आपण त्यांना निवडणुकांमध्ये मदत करण्यासाठी खूप पैसे देत आहोत,’ असेही त्यांनी म्हटले आहे. त्यांनी बांगलादेशला २.९ कोटी अमेरिकी डॉलर देण्यावरून यूएसएडवर टीका केली.इटलीच्या पंतप्रधान जॉर्जिया मेलोनी यांनी डाव्यांवर दुटप्पी असल्याची टीका केली. ‘जेव्हा मी, अमेरिकेचे अध्यक्ष डोनाल्ड ट्रम्प आणि भारताचे पंतप्रधान नरेंद्र मोदी एकत्र येतात, तेव्हा हा ‘लोकशाहीला धोका’ असल्याचे म्हटले जाते. मात्र, जेव्हा डावे नेते अशाच आघाड्या करतात, तेव्हा त्यांचे कौतुक केले जाते,’ असे मेलोनी म्हणाल्या.