धुरांचे लोट, गरम टाईल्स आणि श्वास गुदमरवणाऱ्या स्थितीचा यशस्वी सामना करून, आपले अपार्टमेंट आगीपासून वाचविण्याच्या ध्येयाने, धाडसाचा परिचय देणाऱ्या करीना थापाचे (वय १७ वर्ष) राष्ट्रीय पुरस्कार जाहीर झाल्याने सर्वत्र कौतुक होत आहे. धाडस आणि समयसूचकता यांच्या जोरावर आगीच्या लोळांवर मात करुन एक-दोन नव्हे, तर तब्बल ७० कुटुंबांचे रक्षण करुन मोठा अनर्थ टाळणारी अवघ्या १७ वर्षांची कन्या ‘हिरो’ ठरली आहे. तिच्या या धाडसाची दखल भारत सरकारने घेतली असून, शासन दरबारी तिला मानाच्या राष्ट्रीय पुरस्काराने सन्मानित करण्यात आले आहे. आग लागलेल्या फ्लॅटमध्ये स्वतःला झोकुन देत सिलेंडर बाहेर काढून, अमरावतीच्या जय अंबा अपार्टमेंटच्या ७० कुटुंबांचे रक्षण करणाऱ्या १७ वर्षांच्या करिना थापाच्या धाडसी वृत्तीची दखल घेत, केंद्रीय महिला व बाल विकास मंत्रालयाने प्रधानमंत्री राष्ट्रीय बाल पुरस्कारासाठी तिची निवड केली आहे. २६ डिसेंबर रोजी राष्ट्रपतींच्या हस्ते राष्ट्रपती भवनात एका शानदार समारंभात तिला या मानाच्या राष्ट्रीय पुरस्काराने गौरविण्यात आलं आहे.अमरावतीचे खासदार बळवंत वानखडे यांनी केंद्र सरकारकडे पुरस्काराबाबत पाठपुरावा केला होता. धुरांचे लोट, गरम टाईल्स आणि श्वास गुदमरवणाऱ्या स्थितीचा यशस्वी सामना करून, आपले अपार्टमेंट आगीपासून वाचविण्याच्या ध्येयाने, धाडसाचा परिचय देणाऱ्या करीना थापाचे (वय १७ वर्ष) राष्ट्रीय पुरस्कार जाहीर झाल्याने सर्वत्र कौतुक होत आहे. समयसूचकता व धाडसाच्या जोरावर तिने सिलेंडरचा स्फोट होण्यापासून थांबवला व भीषण अपघातातून अपार्टमेंटचे रक्षण केले.
